Gipasalamatan ni Governor Santi Cane Jr. ang presensya sa mga personahe sa Office of the Presidential Adviser on Peace, Reconciliation, and Unity (OPAPRU) sa pagpanguna ni Undersecretary Atty. Wilben Mayor alang sa duha ka adlaw nga Transformation Program Planning Workshop niadtong Abril 3 & 4 nga gipahigayon sa San Francisco, Agusan del Sur.

“Your presence in our province is indeed very inspiring kasi kung saan pupunta ang OPAPRU, papasok ang development of that particular place and Agusan del Sur is very thankful that you are here,” pamahayag ni Gov. Cane.

Mipasalig ang gobernador nga ubos sa iyahang liderato nga hugot nga makigtambayayong kauban ang mga katawhan sa probinsya sa mga programa nga ipatuman sa maong buhatan. “We will not be in partnership with OPAPRU for nothing. Buong puso po naming gagawin ang aming parte, Sir. Sana, in your future endeavors, ikonsidera pa rin ninyo kami lalong lalo na po ang mga friends rescued (FR) natin dito sa Agusan del Sur,” dugang ni Gov. Cane.

Gidayeg ni OPAPRU Eastern Mindanao director Atty. Elisa Evangelista-Lapiña ang mga lider sa probinsya diin nagkanayon kini nga swerte ang mga FRs sa Agusan del Sur tungod sa pagpakabana sa mga opisyales niini nga mahatagan sila ug ang ilahang pamilya og maayong kaugmaon.

“On our part, be rest assured Gov nga ang Agusan del Sur tutukan namo as isa ka priority area sa OPAPRU,” pamahayag ni Lapiña.

Gipaabot usab niya ang kamanduan ni President Bongbong Marcos sa National Task Force to End Local Communist Armed Conflict (NTF-ELCAC) sa hugot nga implementasyon sa amnesty program para sa mga former rebels. | (: 𝑁𝑜𝑦 𝐺𝑟𝑎𝑑𝑜/𝑃𝑃𝐼𝑂-𝑃𝐴𝑀𝑅𝐸)