Mainiton nga gidawat sa mga Agsurnon si Senator Ramon “Bong” Revilla, Jr. atol sa pagbisita niini sa Agusan del Sur, karong adlawa, Abril 3.

Gipangunahan niini ang distribusyon sa ayudang pinansyal ngadto sa mga benepisyaryo sa Assistance to Individuals in Crisis Situations (AICS) program sa Department of Social Welfare and Development (DSWD) kauban si Gov. Santi Cane Jr. ug ubang opisyales sa lokal nga panggamhanan sa Agusan del Sur.

Moabot sa 2,500 ka Agsurnon nga gilangkoban sa mga persons with disability (PWD), solo parents, ug kadtong natala nga nadala sa public hospitals human nasakit niadtong miaging tuig, ang nakadawat og tag P2,000 nga ayuda.

Dungan sa pagbisita ni Senator Revilla nagkanayon kini nga andam siya motabang sa probinsya labi na para sa mga proyektong pang imprastruktura ug agrikultura. | via Fyl Goloran (: 𝐶𝑙𝑒𝑚𝑧 𝐴𝑟𝑜𝑦/𝑃𝑃𝐼𝑂-𝑃𝐴𝑀𝑅𝐸)