Gipangunahan ni Agusan del Sur Public Employment Services Office (PESO) Manager Divina Lagumbay katambayayong ang Department of Labor and Employment (DOLE) sa probinsiya sa pagpanguna ni Buhawe Corvera-Correa, Supervising Labor and Employment Officer-in-Charge, ang orientation sa 100 ka indibidwal nga mopailawom sa Government Internship Program (GIP) nga gihimo didto sa SURE gym sa government center sa Patin-ay, Prosperidad niining adlawa, Marso 26.

Sugod Abril 1 niining tuig, i-deploy ang interns sulod sa unom ka bulan sa mga nagkadaiyang buhatan sa lokal nga panggamhanan sa probinsiya. Gitimbaya ni Gov. Santi Barriga Cane Jr. ang mga indibidwal nga nakuha sa GIP diin mitaho kini nga ang Agusan del Sur ang gihatagan og 100 ka slots nga maoy pinakadaghan ikumpara sa ubang partner agencies sa DOLE Caraga Region. Panawagan niini sa mga interns nga unahon sa pag abi-abi ang mga katawhan nga nanginahanglan sa ilahang serbisyo kung asa sila nga opisina ma-assign.

“Always put in your heart and instill in your mind that government services are always for the people of Agusan del Sur. Government offices are never created just to provide people with jobs. There is a deeper meaning to government service. Kahibalo mo og unsay deeper meaning sa government service? People first. Because without these people, there would be no government. The government is there to provide services dili kay himoon nimo nga makalolooy ang mga tao nga nagkinahanglan sa imohang serbisyo usa nimo serbisyuhan,” pamahayag ni Gov. Cane.

Gawas nga makahatag og oportunidad para sa mga college graduates nga wala pay permanenteng trabaho, tumong usab sa GIP nga mahatagan og kahigayonan ang kabataan masinati ang paghatag og serbisyo sa publiko. | : 𝐽𝑒𝑟𝑜𝑚𝑒 𝐿𝑎𝑏𝑖𝑠 (𝑃𝑃𝐼𝑂/𝑃𝐴𝑀𝑅𝐸)