Gihatagan og gimbug-aton ni Agusan del Sur Gov. Santi Barriga Cane Jr. ang kamahinungdanon sa intelligence information gathering aron magmalampuson ang operasyon sa mga kasundaluhan ug kapulisan nga maoy gadumala sa kahapsay ug kalinaw sa probinsiya.

Giluwatan kini sa gobernador atol sa closing ceremony sa 5-day Information Fusion Exchange-Geospatial Training nga gipangunahan ni Agusan del Sur Police Provincial Director Col. Yahya Bustamante Yusup ug Police Intelligence Unit officer in-charge Lt. Col. Bonifacio Estrella Jr.

“A good piece of intelligence information for me is 50 percent contribution to a successful operation. Without intelligence information, operating troops will crawl in the dark. It is so important in order to avoid loss of lives for the operatives. Your five-days training will hopefully make all your future operations for the ground troops to succeed in their mission,” pamahayag ni Gov. Cane.

Moabot sa 14 ka intelligence police non-commissioned officers (PNCO) ug laing 26 ka indibidwal gikan sa nagkalain-laing ahensya sa gobyerno ang mipailawom sa maong training.

Gikalipay usab sa kapulisan ang pamahayag ni Gov. Cane nga suporta niini kanila kung aduna pay laing advanced training nga himoon para labing mapalig-on ang ilahang kahibalo kalabot sa intelligence gathering.

“As governor of this province, I always want to see success in all your operations because the success of your operations will ensure the safety of the people in this province,” dugang sa gobernador.

Gipasalamatan usab ni Gov. Cane ang tulo ka US Marines trainers, National Intelligence Coordinating Agency, Armed forces of the Philippines, ug uban pang ahensya sa gobyerno sa malampuson nga pagpahigayon sa maong training.

: 𝐽𝑒𝑟𝑜𝑚𝑒 𝐿𝑎𝑏𝑖𝑠/PAMRE