Gideklara na isip People’s Small-Scale Mining area o Minahang Bayan ang Barangay Sta. Cruz Small-Scale Mining Association of Rosario Agusan del Sur (BSCSSMARADS) subay sa Provincial Mining Regulatory Board Resolution No. 18, Series of 2024.

Kini human sa gipahigayong ceremonial signing sa deklarasyon tali sa lokal nga pangamhanan sa Agusan del Sur sa pagpanguna ni Gov. Santi Barriga Cane Jr. Mines and Geosciences Bureau (MGB) Caraga Director Engr. Larry Heradez, Mayor Jose Cuyos sa Rosario ug ubang personahe gikan sa nagkadaiyang organisasyon ug ahensya sa gobyerno, kagahapon, Martes, Marso 12, didto sa CN Inland Resort sa maong lungsod. Ang BSCSSMARDS nga dunay 40 ka ektarya nga area, gi-operate sa 222 ka miyembro.

Nagpahigayon usab ang mga personahe sa MGB Regional office og orientation kalabot sa safety rules and regulations sa responsable nga pagpamulawan.