Gipangunahan ni Gov. Santi Cane Jr. ug ni Dr. Rui Paulo de Jesus gikan sa World Health Organization (WHO) ang inagurasyon sa Care for Small Babies Unit ug ang pinakaunang Human Milk Hub sa Caraga Region, didto sa D.O. Plaza Memorial Hospital (DOPMH) sa Patin-ay, Prosperidad, Agusan del Sur, Hunyo 13.
Ang bag-ong pasilidad, nahimong posible pinaagi sa gidonar nga mga ekipo sa WHO-Philippines.
“This project is dedicated to improving the care and outcomes for premature and low birth weight infants. By providing specialized care and support, we aim to give most vulnerable babies to be able to survive the most critical period of their lives,” pahayag ni WHO representative to the Philippines Dr. De Jesus.
Gilaumang maserbisyohan sa maong pasilidad ang bag-ong himugso nga dunay neonatal illnesses, mga premature, ingon man ang mga inahan nga walay kapasidad makapasuso aron mahatagan og human milk ang ilahang anak.
“Human milk for newborn baby is important for their brain development and physical development. It is important that all the babies born in Agusan del Sur, regardless of where they came from, must have sufficient amount of mother’s milk even if their own mothers could not produce milk,” matud ni Gov. Cane.
Mapasalamaton ang gobernador sa donasyon sa WHO-Philippines ug mipamahayag og hugot nga suporta para sa trainings sa mga health personnel nga mopadagan sa pasilidad.
“For what use are good facilities if there are no capable people who will run and operate it. Our health personnel may lack the capability to run this but I assure you, if they will give me the recommendation for training, I will approve it no matter how many of them,” dugang ni Gov. Cane.
Mitambong usab sa maong higayon sila Sangguniang Panlalawigan members Gina Ceballos, Avalota Cejas, Pamela Yucosing ug Joseph Plaza.
Usa ka dakong kalambuan sa paghatag og dekalidad nga serbisyo sa DOPMH ang maong bag-ong pasilidad diin mapasalamaton si Provincial Health Officer Dr. Jacqueline Frances Momville ug si DOPMH Acting Chief of Hospital Dr. Jerald Tablizo sa maong donasyon.
