Personal nga gitunol ni Gov. Santi Cane Jr. ang tseke nga ₱1.7M para sa Barangay San Roque, Trento, Huwebes, Hunyo 6 ning tuig, didto sa buhatan niini sa kapitolyo sa Patin-ay, Prosperidad.

Gidawat ni Punong Barangay Priscilla Cabusas ang pondo nga gamiton para sa resettlement site sa kapin kon kulang 200 ka households nga nanimuyo kilid sa suba ug mabahaan nga mga lugar panahon sa ting-ulan.

“Nalipay kog dako ilabi na ang akong mga constituents nga gi-grant ni Gov kay gikinahanglan gyud namo ang funding para sa resettlement site,” matud ni Cabusas.

Prayoridad nga mapahiluna sa 5.6 hectares nga kabalhinang luna ang mga lumulupyo sa barangay nga sagad maapektuhan sa baha alang sa ilahang kaluwasan.