Gipangunahan sa mga opisyales sa Agusan del Sur Volleyball Federation (ADSVF) ang miapil sa refresher course sa volleyball officiating officials, coaches, ug mga indibidwal gikan sa mga komunidad nga mipakita og interes sa dulang volleyball.
Moabot sa 70 ka indibidwal ang ipailawom sa duha ka adlaw nga refresher course, June 5-6 ning tuig, didto sa SURE gym sa government center, diin sumala ni ADSVF president Marlo Orcullo, pamaagi kini aron matudluan ang mga partisipante sa mga bag-ong pamalaod sa dulang volleyball.
Target usab nila nga maka-engganyo og mga kabataan sa sports nga volleyball. “We reach out into the grassroots aron mahisubay ang mga kabataan sa maayong dalan especially in the field of sports,’’ pamahayag ni Orcullo.
Isip pagpangandam sa umaabot nga Congressmen’s Cup sa Hunyo ngadto sa Hulyo ning tuig, bansayon ang mga officiating officials gikan sa Philippine National Volleyball Federation (PNVF).
“PNVF is the only organization in volleyball in the Philippines which is registered and recognized in the Fédération Internationale de Volleyball (FIVA). We would like to give learnings to our listed officiating officials to be updated in new FIVA rules,” dugang pa ni Orcullo.
Mapasalamaton usab si Orcullo sa probinsyal nga panggamahanan sa pagpanguna ni Gov. Santi Cane Jr.
“Gikan sa ADSVF, gipaabot namo ang amoang dako nga pagpasalamat kang Gov (Cane) sa iyahang suporta aron magmalampuson ning amoang two-days refresher course,” matud pa ni Orcullo.
