Gitambongan ni Gov. Santi Barriga Cane Jr. ang gipahigayong Memorandum of Agreement (MOA) signing tali Department of Labor and Employment (DOLE) Caraga, sa pagpanguna ni Regional Director Joffrey M. Suyao, ug mga nagkadaiyang ahensya sa gobyerno para sa implementasyon sa Government Internship Program (GIP) sa 2024. Ang maong tigum, gipahigayon didto sa Almont Inland Resort and Convention Center, Butuan City, kagahapon, Martes, Marso 19 ning tuig.

Sumala ni Jake Abunda, Labor Employment Officer III sa Public Employment Services Office (PESO), mialukar og pondo ang DOLE Caraga alang sa sweldo sa 100 ka Agsurnon interns nga mutrabaho sulod sa 3 hangtud 6 ka bulan sa nagkadaiyang buhatan sa lokal nga panggamhanan sa Agusan del Sur. Sugod Abril 1 ning tuig, magsugod na og trabaho ang kasagaran mga fresh graduates nga gi-hire sa PESO.

Prayoridad sa programa sa DOLE nga mahatagan og oportunidad ang mga kabataan arun makabaton og trabaho diin usa kini sa stratehiya sa buhatan sa pagpakunhod sa nasinating kapobrehon sa mga Filipino. Tumong sab sa GIP sa DOLE nga mahatagan og kahigayonan ang kabataan sa paghatag og serbisyo sa publiko. Pinaagi usab niini, mamahimong maaghat ang mga interns nga ipadayon ang ilahang karera sa public service. | (: 𝑁𝑜𝑦 𝐺𝑟𝑎𝑑𝑜/𝑃𝑃𝐼𝑂-𝑃𝐴𝑀𝑅𝐸)